തളിപ്പറമ്പ്: പ്ലസ് വണ്‍ വിദ്യാര്‍ഥിനിയെ നിരന്തരമായി ശല്യം ചെയ്ത യുവാവിനെതിരേ പോക്‌സോ നിയമപ്രകാരം കേസെടുത്തു. മാവിച്ചേരിയിലെ വിദ്യാര്‍ഥിനിയുടെ പിതാവിന്റെ പരാതിയില്‍ തളിപ്പറമ്പ് മന്നയിലെ വര്‍ക്ക്‌ഷോപ്പ് ജീവനക്കാരന്‍ മാവിച്ചേരിയിലെ തുന്തക്കാച്ചിയില്‍ മുഹമ്മദ് ഷഹീറിനെതിരെയാണ്(20) തളിപ്പറമ്പ് പൊലിസ് കേസെടുത്തത്. ഇയാളെ അറസ്റ്റ് ചെയ്തു. സ്‌കൂളിലേക്ക് ബസ് കയറുന്നതിന് നടന്നാണ് വിദ്യാര്‍ഥിനി പോയിരുന്നത്. കഴിഞ്ഞ വര്‍ഷം ഡിസംബര്‍ മുതല്‍ പിന്നാലെ നടന്ന് ശല്യം ചെയ്ത ഷഹീര്‍ കഴിഞ്ഞ ജനുവരി മുതല്‍ അമ്മയുടെ ഫോണില്‍ വിളിച്ച് ശല്യം ചെയ്യാ നും തുടങ്ങിയത്രേ. ഭയം കാരണം അച്ഛനോട് വിവരം പറഞ്ഞിരുന്നില്ല. ഇന്നലെ വിവരമറിഞ്ഞ പിതാവ് പെണ്‍കുട്ടിയുമായെത്തി തളിപ്പറമ്പ് ഡിവൈ.എസ്.പി കെ.വി വേണുഗോപാലിന് രേഖാമൂലം പരാതി നല്‍കുകയായിരുന്നു. പെണ്‍കുട്ടിയെ മജിസ്‌ട്രേറ്റിന് മുന്നില്‍ ഹാജരാക്കി മൊഴി രേഖപ്പെടുത്തി. യുവാവിനെ ഇന്ന് കോടതിയില്‍ ഹാജരാക്കും.