ന്യൂഡല്‍ഹി: സി.ബി.എസ്.ഇ 10, 12 ക്ലാസുകളിലെ ബാക്കിയുള്ള പരീക്ഷകളുടെ ടൈംടേബിള്‍ പ്രഖ്യാപിക്കുന്നത് നാളേക്കു മാറ്റി. സി.ബി.എസ്.ഇക്ക് ചില സാങ്കേതിക കാര്യങ്ങള്‍ കൂടി ബാക്കിയുള്ളതിനാല്‍ പ്രഖ്യാപനം തിങ്കളാഴ്ചത്തേക്ക് മാറ്റുകയാണെന്ന് മാനവ വിഭവശേഷി വികസന മന്ത്രി രമേശ് പൊക്‌റിയാല്‍ നിഷാങ്ക് ട്വിറ്ററിലൂടെ അറിയിച്ചു.
ടൈംടേബിള്‍ ഇന്നലെ പ്രഖ്യാപിക്കാനാണ് തീരുമാനിച്ചിരുന്നത്. 12ാം ക്ലാസ് പരീക്ഷകള്‍ ജൂലൈ ഒന്നു മുതല്‍ 15 വരെ നടത്താന്‍ നേരത്തെ തീരുമാനിച്ചിരുന്നു. 10ാം ക്ലാസ് പരീക്ഷകള്‍ വടക്കു കിഴക്കന്‍ ഡല്‍ഹിയില്‍ മാത്രമാണ് നടത്തുന്നത്. മുസ്‌ലിം വംശഹത്യ കാരണം പരീക്ഷകളില്‍ ചിലത് നടത്താനാവാതെ വന്നതിനാലാണിത്.