തിരുന്നാവായ: വലിയ പറപ്പൂര്‍ ദര്‍സ് പ്രവര്‍ത്തനം തുടങ്ങി. നൂറ്റാണ്ടു പിന്നിട്ട വലിയ പറപ്പൂര്‍ മഹല്ലിന്റെ ചരിത്രത്തിലെ ഏറ്റവും വിപുലമായ ദര്‍സാണ് പ്രവര്‍ത്തനം തുടങ്ങിയത്. എഴുപതോളം വിദ്യാര്‍ത്ഥികള്‍ പഠനം നടത്തുന്ന ദര്‍സിന്റെ ഉദ്ഘാടനം സമസ്ത മുശാവറ അംഗവും സമസ്ത കേരള ഇസ്‌ലാം മതവിദ്യാഭ്യാസ ബോര്‍ഡ് സെക്രട്ടറിയുമായ എം ടി അബ്ദുള്ള മുസ്‌ലിയാര്‍ നിര്‍വഹിച്ചു.
മഹല്ല് മുദരിസ് ശരീഫ് ഫൈസി മയ്യേരിച്ചിറ മുഖ്യ പ്രഭാഷണം നടത്തി. സ്‌കൂള്‍ പഠനത്തോടൊപ്പം ഹിഫ്‌ളുല്‍ ഖുര്‍ആന്‍ പഠനത്തിനും ദര്‍സില്‍ സൗകര്യമൊരുക്കുമെന്ന് ശരീഫ് ഫൈസിപറഞ്ഞു. ചടങ്ങില്‍ മഹല്ല് പ്രസിഡന്റ് കെ. പി കുഞ്ഞിപ്പ ഹാജി, സെക്രട്ടറി ടി.പി നാസര്‍, ട്രഷറര്‍ ഇ പി അഷ്‌റഫ് , കെ.പി മുഹമ്മദ് കമൂല്‍ ഫൈസി, കെ പി സുബൈര്‍വാഫി, കെ വി യാഹു ഹാജി, എം വി ഹുസൈന്‍, പുളത്ത് മുസ്തഫ ഹാജി, പി പി ഇബ്രാഹീം, എം ടി കബീര്‍, ടി.പി ഹൈദ്രു ഹാജി, പി.പി അലി മുഹമ്മദ്, പരപ്പില്‍മാതാരി ഹാജി, ടി.കെ മുഹമ്മദ്കുട്ടി, എം.മുഹമ്മദ്, കെ.പി മാനു സംബന്ധിച്ചു. ശരീഫ് ഫൈസി മയ്യേരിച്ചിറ,ബീരാന്‍ കുട്ടി ബാഖവി പുറമണ്ണൂര്‍, ജാഫര്‍ ഫൈസി എടവണ്ണ എന്നിവരാണ് ദര്‍സിന് നേതൃത്വം നല്‍കുന്നത്.