താമരശ്ശേരി: പുതുപ്പാടി ഗ്രാമ പഞ്ചായത്ത് 2016-2017 വാര്‍ഷിക പദ്ധതിയുടെ ഭാഗമായി സംഘടിപ്പിച്ച വികസന സെമിനാര്‍ ജോര്‍ജ് എം. തോമസ് എം.എല്‍.എ ഉദ്ഘാടനം ചെയ്തു. പ്രസിഡന്റ് ഇന്‍ചാര്‍ജ് കുട്ടിയമ്മ മാണി അധ്യക്ഷയായി. വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ മുജീബ് മാക്കണ്ടണ്ടി കരട് പദ്ധതിരേഖ അവതരിപ്പിച്ചു. ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എം.ഇ ജലീല്‍, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ ഐബി റെജി, ജില്ലാപഞ്ചായത്തംഗം വി.ഡി ജോസഫ്, ബ്ലോക്ക് പഞ്ചായത്ത് അംഗങ്ങളായ രാജേഷ് ജോസ്, ഒതയോത്ത് അഷ്‌റഫ്, സോബി, വാര്‍ഡ് മെമ്പര്‍മാരായ അംബിക മംഗലത്ത്, നന്ദകുമാര്‍, സൗദ ബഷീര്‍ എന്നിവര്‍ സംസാരിച്ചു.സെക്രട്ടറി ഇന്‍ചാര്‍ജ് രജനി സ്വാഗതവും പി.കെ ഷൈജല്‍ നന്ദിയും പറഞ്ഞു.