കൊച്ചി: മാലദ്വീപില്‍ നിന്നും 588 യാത്രക്കാരുമായി മൂന്നാമത് യുദ്ധക്കപ്പല്‍ കൊച്ചിയിലെത്തി. സമുദ്രസേതു രക്ഷാദൗത്യത്തിന്റെ ഭാഗമായാണ് നാവികസേനയുടെ ഐ.എന്‍.എസ് ജലാശ്വ പ്രവാസികളുമായി കൊച്ചിയിലെത്തിയത്.

സംഘത്തില്‍ 568 മലയാളികളും 15 തമിഴ്‌നാട് സ്വദേശികളും മൂന്ന് തെലുങ്കാന സ്വദേശികളും ലക്ഷദ്വീപില്‍ നിന്നുള്ള രണ്ടുപേരുമാണ്് ഉള്ളത്. നാട്ടിലേക്ക് മടങ്ങുന്നതിനായി മാലിയിലെ ഇന്ത്യന്‍ എംബസിയില്‍ രജിസ്റ്റര്‍ ചെയ്തവരാണിവര്‍. എമിഗ്രേഷന്‍ നടപടികളും പരിശോധനയും പൂര്‍ത്തിയാക്കി യാത്രക്കാരെ ക്വാറന്റൈനിലേക്ക് മാറ്റും.