റിയാദ്: സഊദിയിൽ കഴിഞ്ഞ 24 മണിക്കൂറിനിടെ വൈറസ് ബാധയേറ്റു 10 പേർ മരിച്ചതായും 2736 പേർക്ക് പുതുതായി വൈറസ് ബാധ സ്ഥിരീകരിച്ചതായും സഊദി ആരോഗ്യ മന്ത്രാലയം അറിയിച്ചു. ആരോഗ്യ മന്ത്രാലയ വക്താവ് ഡോ: മുഹമ്മദ് അബ്ദുൽ ആലി നടത്തിയ വാർത്താ സമ്മേളനത്തിലാണ് രാജ്യത്തെ ഏറ്റവും പുതിയ വൈറസ് ബാധ വിവരങ്ങൾ വ്യക്തമാക്കിയത്. ഇതോടെ രാജ്യത്തെ വൈറസ് ബാധയേറ്റുള്ള മരണം 312 ആയും വൈറസ് ബാധിതർ 54752 ആയും ഉയർന്നിട്ടുണ്ട്. ഇവരിൽ 28718 ആളുകളാണ് ചികിത്സയിൽ കഴിയുന്നത്. ഇവരിൽ 202 രോഗികൾ അതീവ ഗതരാവസ്ഥയിലായെന്നും അദ്ദേഹം അറിയിച്ചു. ഇന്ന് 2056 രോഗികളാണ് രോഗ മുക്തി നേടിയത്. ഇതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 25722 ആയും ഉയർന്നു.

#الصحة⁩ تعلن عن تسجيل (2736) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (10) حالات وفيات رحمهم الله، وتسجيل (2056) حالة تعافي ليصبح إجمالي عدد الحالات المتعافية (25,722) حالة ولله الحمد. pic.twitter.com/oQf2cYsfY1

— و ز ا ر ة ا لـ صـ حـ ة السعودية (@SaudiMOH) May 17, 2020

     ഞായറാഴ്ച്ച സ്ഥിരീകരിച്ച വൈറസ് ബാധ കണക്കുകൾ ഇങ്ങനെയാണ്. മക്ക 557, റിയാദ് 488, മദീന 392, ജിദ്ദ 357, ദമാം 286, ഹുഫൂഫ്, ജുബൈൽ ( 149 വീതം), ത്വായിഫ് 81, ഖോബാർ 51, ഖത്വീഫ് 24, തബൂക് 18, ദഹ്‌റാൻ, ബൈഷ് ( 15 വീതം), ബീഷ 14, ബുറൈദ 12, ഹദ്ദ ഖരീഹ് ഹായിൽ (09 കേസുകൾ വീതം), സബ്ത് അൽ അലായ 07, ബഖീഖ്, ഖുൻഫുദ (06 വീതം), യാമ്പു, അൽഗൂസ്, റഈൻ (05 വീതം), അഖീഖ്, ഹഫർ അൽ ബാത്വിൻ, അൽഖർജ്, ദിരിയ (04 വീതം), ഖമീസ് മുശൈത്, അഹദ് റഫീദ, മഹായിൽ അസീർ, അൽഖുറ, ഉംലുജ്, സ്വാംത, മുദൈലിഫ്, ഹോത്താ ബനീ തമീം (03 വീതം), റാസ്‌ തന്നൂറ, സ്വഫ്‌വ, തുറൈബാൻ, നമിറ, മൻഫദ് അൽ ഹുദൈത, മുസാഹ്മിയ (02 വീതം), രിജാൽ അൽമ, ഉനൈസ, അൽ ബദാഇഹ്‌, അൽ റസ്, ഖൈബർ, ഖുർമ, ഉമ്മു അൽദൂം, റാബിഗ്, ശുവാഖ്, നജ്‌റാൻ, ശറൂറ, ശുഹ്ബ, വാദി അൽ ദവാസിർ, റൗദത്തുൽ അറദ്, തുമൈർ എന്നിവിടങ്ങളിൽ ഓരോ കേസുകളുമാണ് ഇന്ന് സ്ഥിരീകരിച്ചത്.