കരൂപ്പടന്ന: യു.എ.ഇയിലെ പ്രവാസി കൂട്ടായ്മയായ വെട്മയും വള്ളി വട്ടം യൂണിവേഴ്‌സല്‍ എന്‍ജിനിയറിംഗ് കോളജും സംയുക്തമായി ജലക്ഷാമം നേരിടുന്ന വെള്ളാങ്ങല്ലൂര്‍ പഞ്ചായത്തിലെ വിവിധ പ്രദേശങ്ങളില്‍ സൗജന്യമായി നല്‍കുന്ന കുടിവെള്ള വിതരണത്തിന്റെ ഉദ്ഘാടനം കരൂപ്പടന്ന ആശുപത്രി അങ്കണത്തില്‍ വച്ച് ഗ്രാമപഞ്ചായത്ത് പ്രസിഡന്റ് പ്രസന്ന അനില്‍ കുമാര്‍ നിര്‍വഹിച്ചു. പി.എം അബ്ദുല്‍ ഗഫൂര്‍ ഹാജി അധ്യക്ഷനായി. ഗ്രാമപഞ്ചായത്ത് അംഗങ്ങളായ ആമിനാബി, സുലേഖ അബ്ദുള്ളക്കുട്ടി, എ.കെ.മജീദ്, കെ.എച്ച്.അബ്ദുല്‍ നാസര്‍, കെ.എസ്.അബ്ദുല്‍ മജീദ് എന്നിവര്‍ സംസാരിച്ചു. പി. എം. അല്‍ത്താഫ് സ്വാഗതവും എം.എച്ച്.ബഷീര്‍ നന്ദിയും പറഞ്ഞു. നിരവധി ജീവകാരുണ്യ പ്രവര്‍ത്തനങ്ങള്‍ നടത്തുന്ന വെഡ്മ എല്ലാവര്‍ഷവും വേനല്‍ കാലത്ത് കുടിവെള്ള വിതരണം നടത്താറുണ്ട്. വിവിധ വീടുകളില്‍ നിന്ന് ശേഖരിക്കുന്ന കുടിവെള്ളം രൂക്ഷമായ കുടിവെള്ള ക്ഷാമം നേരിടുന്ന വെള്ളാങ്ങല്ലൂര്‍ പഞ്ചായത്തിലെ വിവിധ ഭാഗങ്ങളിലാണ് വിതരണം ചെയ്യുന്നത്. ദിനംപ്രതി അതിരാവിലെ മുതല്‍ വൈകുന്നേരം വരെ കുടിവെള്ള വിതരണം ഉണ്ടാകും.