വെങ്കിടങ്ങ്: 15 വര്‍ഷത്തിലേറെ പ്രായമുള്ള വെങ്കിടങ്ങ് പഞ്ചായത്തിലെ കണ്ണോത്ത് നാട്ടുക്കല്ലിലെ കുടിവെള്ള പദ്ധതി ഉടന്‍ കമ്മീഷന്‍ ചെയ്യുക, നടത്തിപ്പിലെ അഴിമതി വിജിലന്‍സിനെ കൊണ്ട് അന്വഷിപ്പിക്കുക എന്നീ ആവിശ്യങ്ങള്‍ ഉന്നയിച്ച് എ.ഐ.വൈ.എഫ് അനിശ്ചിതകാല സത്യാഗ്രഹ സമരം തുടങ്ങി. വെങ്കിടങ്ങ് പഞ്ചായത്ത് കമ്മറ്റിയുടെ നേതൃത്വത്തില്‍ കണ്ണോത്ത് ജലസംഭരണിയുടെ അടിയില്‍ പന്തല്‍ കെട്ടിയാണ് സമരത്തിന് തുടക്കം കുറിച്ചത്. കമ്മിറ്റി അംഗങ്ങളായ എം.എ ഹബീബ്, ഒ.അര്‍ രാജേഷ്, പി.എസ് ഇന്‍സാം, എം.എ അജ്മല്‍, ടി.കെ ജിഷ്ണു എന്നിവരാണ് രാപകല്‍ ഇല്ലാതെ സമരത്തിന് നേതൃത്വം നല്‍കുന്നത്. കെ.വി വിനോദന്‍ ഉദ്ഘാടനം ചെയതു. പി.സന്തോഷ് അധ്യക്ഷനായി. കെ.എച്ച് നജീബ്, സെക്രട്ടറി എന്‍.സി സതീഷ്, യദുകൃഷ്ണന്‍, ഇ.വി മുഹമ്മദ്, സണ്ണി വടക്കന്‍ സംസാരിച്ചു.