കൊണ്ടോട്ടി: അബൂദബിയില്‍ നിന്ന് കരിപ്പൂരിലെത്തിയ നാലു യാത്രക്കാര്‍ക്ക് കൊവിഡ് ലക്ഷണങ്ങള്‍ കണ്ടതിനെ തുടര്‍ന്ന് ആശുപത്രിയിലേക്ക് മാറ്റി. മൂന്ന് മലപ്പുറം സ്വദേശികളേയും ഒരു കോഴിക്കോട് സ്വദേശിയേയുമാണ് മഞ്ചേരി, കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റിയത്. വിമാനത്തിലുണ്ടായിരുന്ന മറ്റു അഞ്ചുപേരെ മറ്റു അസുഖങ്ങളെ തുടര്‍ന്ന് ആശുപത്രിയില്‍ പ്രവേശിപ്പിച്ചു. ഞായറാഴ്ച പുലര്‍ച്ചെ രണ്ട് മണിയോടെയെത്തിയ അബൂദബി വിമാനത്തില്‍ 180 യാത്രക്കാരാണുണ്ടായിരുന്നത്.