കൊടുങ്ങല്ലൂര്‍: കോട്ടപ്പുറത്ത് സൈക്കിള്‍ യാത്രക്കാരന്റെ മരണത്തിനിടയാക്കിയ അപകടത്തിലുള്‍പ്പെട്ട കാര്‍ പൊലിസ് കണ്ടെത്തി. കൊല്ലം റജിസ്‌ട്രേഷനിലുള്ള മാരുതി വാഗണര്‍ കാറാണ് പൊലിസ് കസ്റ്റഡിയിലെടുത്തത്.
ഇക്കഴിഞ്ഞ ഞായറാഴ്ച്ച കോട്ടപ്പുറം ബൈപ്പാസ് ജംഗ്ഷനിലാണ് അപകടമുണ്ടായത്. സൈക്കിള്‍ യാത്രക്കാരനായ മേത്തല വി.പി തുരുത്ത് സ്വദേശി കറുകശ്ശേരിരാജനാ (64)ണ് മരിച്ചത്. അപകടത്തില്‍ മരണമടഞ്ഞ രാജന്റെ മൃതദേഹം ആശുപത്രിയിലെത്തിച്ച ശേഷം കാര്‍ യാത്രക്കാര്‍ രക്ഷപ്പെടുകയായിരുന്നു.
തുടര്‍ന്ന് കൊടുങ്ങല്ലൂര്‍ പൊലിസ് നടത്തിയ അന്വേഷണത്തില്‍ മതിലകം പൊലിസ് സ്റ്റേഷന്‍ പരിസരത്തുള്ള സുരക്ഷാ ക്യാമറയില്‍ നിന്നും കാറിന്റെ ദൃശ്യങ്ങള്‍ ലഭിച്ചു. അപകടത്തിനിടയാക്കിയ കാര്‍ ദൃക്‌സാക്ഷികള്‍ തിരിച്ചറിഞ്ഞതോടെ പൊലിസ് കാര്‍ കസ്റ്റഡിയിലെടുക്കുകയായിരുന്നു.