ന്യൂഡല്‍ഹി: കൊവിഡ് പശ്ചാത്തലത്തില്‍ തൊഴില്‍ നിയമങ്ങള്‍ ഭേദഗതി ചെയ്യാനുള്ള ഉത്തര്‍പ്രദേശ് ഉള്‍പ്പെടെയുള്ള വിവിധ സംസ്ഥാന സര്‍ക്കാരുകളുടെ നീക്കത്തിനെതിരേ വിമര്‍ശനവുമായി വിപ്രോ സ്ഥാപക ചെയര്‍മാന്‍ അസിം പ്രേംജി. ദ എകണോമിക് ടൈംസില്‍ എഴുതിയ ലേഖനത്തിലാണ് തൊഴില്‍ നിയമങ്ങള്‍ ഭേദഗതി ചെയ്യാനുള്ള തീരുമാനത്തിലെ അതൃപ്തി അദ്ദേഹം പങ്കുവെച്ചത്.

കൊവിഡ് ഉണ്ടാക്കിയ പ്രതിസന്ധി ഏറ്റവും പ്രതികൂലമായി ബാധിക്കുക രാജ്യത്തെ ദുര്‍ബല വിഭാഗങ്ങളെയാണെന്ന് അദ്ദേഹം പറഞ്ഞു. കേന്ദ്രത്തിന്റെ 20 ലക്ഷം കോടി രൂപയുടെ സാമ്പത്തിക പാക്കേജ് സ്വാഗതം ചെയ്ത അദ്ദേഹം അടുത്ത രണ്ട് വര്‍ഷങ്ങളില്‍ രാജ്യം സ്വീകരിക്കേണ്ട മുന്‍ കരുതലുകളെക്കുറിച്ചും ലേഖനത്തില്‍ പറയുന്നു.