കൊട്ടാരക്കര: പതിനൊന്നുകാരിയെ പീഡിപ്പിക്കാന്‍ ശ്രമിച്ച കേസില്‍ അയല്‍വാസിയായ മധ്യവയസ്‌കന്‍ പിടിയില്‍. പുത്തൂര്‍ പാങ്ങോട് സ്വദേശി സുധാകരന്‍ (58)നെയാണ് പുത്തൂര്‍ പൊലിസ് അറസ്റ്റ് ചെയ്തത്. ഇന്നലെ രാവിലെയായിരുന്നു കേസിനാസ്പദമായ സംഭവം. നിത്യവും വീട്ടിലെത്താറുള്ള കുട്ടിയെ ഉപദ്രവിക്കാന്‍ ശ്രമിച്ചുവെന്നാണ് പരാതി. കുട്ടി മാതാവിനോട് വിവരം പറയുകയും ഇവര്‍ പുത്തൂര്‍ പൊലിസില്‍ പരാതി നല്‍കുകയുമായിരുന്നു. വിദേശത്ത് ജോലിയ്ക്കായി പോകുന്ന മകനെ യാത്രയാക്കാന്‍ തുടങ്ങുന്നതിനിടയിലാണ് സുധാകരനെ പൊലിസ് അറസ്റ്റ് ചെയ്തത്. പോക്‌സോ വകുപ്പ് പ്രകാരം ഇയാള്‍ക്കെതിരെ കേസ് രജിസ്റ്റര്‍ ചെയ്യുമെന്ന് പൊലിസ് അറിയിച്ചു.