കൊട്ടിയം: തൃക്കോവില്‍വട്ടം ഗ്രാമപഞ്ചായത്തിന്റെ മേല്‍നോട്ടത്തിലുള്ള കണ്ണനല്ലൂരിലെ കംഫര്‍ട്ട് സ്റ്റേഷന്‍ മുഖംമിനുക്കി നാട്ടുകാര്‍ക്കായി വീണ്ടും എത്തുന്നു. ഈമാസം തന്നെ കംഫര്‍ട്ട് സ്റ്റേഷന് നവീകരിച്ചത് പൊതുജനങ്ങള്‍ക്കാടി തുറന്നുകൊടുക്കും. മാസങ്ങളായി തൃക്കോവില്‍വട്ടം ഗ്രാമപഞ്ചായത്ത് കംഫര്‍ട്ട് സ്റ്റേഷനെ പൂര്‍ണമായും അവഗണിച്ചിരുന്നു. ഇതിനെ തുടര്‍ന്ന് പഞ്ചായത്തിനെതിരെ വ്യാപക പരാതിയുയര്‍ന്നു. തുടര്‍ന്നാണ് പഞ്ചായത്ത് ഇടപെട്ട് നടപടി വേഗത്തിലാക്കിയത്.
യൂറോപ്യന്‍ ക്ലോസറ്റുകള്‍ സ്ഥാപിച്ചും മറ്റ് അറ്റകുറ്റപ്പണികളും വൃത്തിയായി തീര്‍ത്തിട്ടുണ്ട്. നേരത്തെ ശുചീകരണ പ്രവര്‍ത്തികളും കൃത്യമായി നടത്താറില്ലായിരുന്നു. തൃക്കോവില്‍വട്ടം ഗ്രാമപഞ്ചായത്തിലെ ഏറ്റവും തിരക്കേറിയ വ്യാപാര കേന്ദ്രമാണ് കണ്ണനല്ലൂര്‍ ജങ്ഷന്‍. ആയിരക്കണക്കിന് യാത്രക്കാരാണ് ദിവസവും ഇവിടം വഴി കടന്നുപോകുന്നത്.