കൊട്ടിയം: സദാചാര പൊലിസ് ചമഞ്ഞെത്തിയ സംഘം കാറില്‍ വരികയായിരുന്ന യുവാവിനെ ആക്രമിച്ചു പരുക്കേല്‍പ്പിച്ചു. കൊട്ടിയം ആനക്കുഴി പനവിള ഹൗസില്‍ ഷാഹിന് (25) ആണ് പരുക്കേറ്റത്. തിങ്കളാഴ്ച രാത്രി ഏഴരയോടെ പിണക്കല്‍ ജങ്ഷനിലായിരുന്നു സംഭവം. കാറില്‍ വരികയായിരുന്ന ഷാഹിനെ ബൈക്ക് കുറുകെ വച്ച് കാര്‍ തടഞ്ഞ ശേഷം ആക്രമണം നടത്തുകയായിരുന്നു. ആക്രമണ വിവരമറിഞ്ഞ് സ്ഥലത്തെത്തിയ ആദിച്ചനല്ലൂര്‍ ഗ്രാമപഞ്ചായത്ത് അംഗം സാജനാണ് ഇയാളെ അ ക്രമികളില്‍ നിന്നും രക്ഷപെടുത്തി ജില്ലാ ആശുപത്രിയില്‍ എത്തിച്ചത്. ഇരവിപുരം പൊലിസ് കേസെടുത്ത് പ്രതികള്‍ക്കായി തിരച്ചില്‍ ആരംഭിച്ചു.