ഹരാരെ: കൊവിഡ് വ്യാപനത്തെ തുടര്‍ന്ന് സിംബാബ്‌വെയില്‍ പ്രഖ്യാപിച്ചിരുന്ന ലോക്ക്ഡൗണ്‍ അനിശ്ചിതകാലത്തേക്കു നീട്ടി. സിംബാബ്‌വെ പ്രസിഡന്റ് എമേഴ്‌സണ്‍ മാന്‍ഗ്വേഗയാണ് ഇക്കാര്യം അറിയിച്ചത്.
എല്ലാ രണ്ടാഴ്ച കൂടുമ്പോളും രാജ്യത്തെ പുതിയ സാഹചര്യം വിലയിരുത്തിയതിനു ശേഷമായിരിക്കും പിന്നീടുള്ള തീരുമാനങ്ങള്‍ അറിയിക്കുക.
ഇതോടെ, രാജ്യത്ത് സാമ്പത്തിക പ്രതിസന്ധി രൂക്ഷമാകുമെന്ന് ഉറപ്പായിരിക്കുകയാണ്. എന്നാല്‍, ആരോഗ്യ വിദഗ്ധരുടെ നിര്‍ദേശമനുസരിച്ചാണ് ഈ തീരുമാനമെന്നും രാജ്യത്തിന്റെ ഭാവിക്ക് ഇത് അത്യന്താപേക്ഷിതമാണെന്നുമാണ് പ്രസിഡന്റ് വ്യക്തമാക്കിയത്.