ന്യുഡല്‍ഹി: ലോക്‌സഭ തിരഞ്ഞെടുപ്പില്‍ മത്സരിക്കാനില്ലെന്ന് മുന്‍ പ്രധാനമന്ത്രി മന്‍മോഹന്‍ സിംഗ്. പഞ്ചാബ് മുഖ്യമന്ത്രി അമരീന്ദര്‍ സിംഗാണ് പഞ്ചാബിലെ അമൃതസറില്‍ നിന്ന് മന്‍മോഹന്‍ സിംഗ് മത്സരിച്ചേക്കുമെന്ന അഭ്യൂഹങ്ങള്‍ക്ക് വിരാമമിട്ടത്.

കഴിഞ്ഞ ദിവസം അമരീന്ദര്‍ സിംഗ് മന്‍മോഹനെ വസതിയില്‍ സന്ദര്‍ശിച്ചിരുന്നു. സൗഹൃദ സന്ദര്‍ശനം മാത്രമായിരുന്നു അത്. അദ്ദേഹത്തിന്റെ ആരോഗ്യത്തെക്കുറിച്ച് ചോദിച്ചറിഞ്ഞു. തെരഞ്ഞെടുപ്പില്‍ മത്സരിക്കുന്നതിനെക്കുറിച്ചും ആരാഞ്ഞു. അമരീന്ദര്‍ പറഞ്ഞു.

എന്നാല്‍ തിരഞ്ഞെടുപ്പില്‍ മത്സരിക്കുന്നതിനെക്കുറിച്ച് താന്‍ സങ്കല്‍പ്പിച്ചിട്ടുപോലുമില്ലെന്നും മത്സരിക്കാന്‍ തനിക്ക് താത്പര്യമില്ലെന്നുമായിരുന്നു മന്‍മോഹന്‍ സിംഗിന്റെ പ്രതികരണമെന്നും അമരീന്ദര്‍ അറിയിച്ചു.
ഇതോടെ ഈ തിരഞ്ഞെടുപ്പില്‍ മന്‍മോഹന്‍ സിംഗ് മത്സരിക്കില്ലെന്ന കാര്യത്തിലും തീരുമാനമായത്.