തൊടുപുഴ: മുതലക്കോടം ജയ്ഹിന്ദ് ലൈബ്രറിയുടെ നേതൃത്വത്തില്‍ മുതലക്കോടം മുതല്‍ മങ്ങാട്ടുകവല വരെ റോഡിനിരുവശവും ശുചീകരിച്ചു. 250 ലേറെ പ്രവര്‍ത്തകര്‍ അണിനിരന്ന ശുചീകരണ പ്രവര്‍ത്തനത്തോടൊപ്പം മാവ്, ഞാവല്‍, പുളി, തുടങ്ങിയ ഫലവൃക്ഷതൈകളും തണല്‍മരങ്ങളായി നട്ടു. ഗ്രന്ഥശാല സംഘം സംസ്ഥാന എക്‌സിക്യുട്ടീവ് അംഗം കെ.എം ബാബു ഉല്‍ഘാടനം ചെയ്തു.
ലൈബ്രറി പ്രസിഡന്റ് കെ.സി സുരേന്ദ്രന്‍ അദ്ധ്യക്ഷത വഹിച്ചു. മുനിസിപ്പല്‍ കൗണ്‍സിലര്‍മാരായ എ.എം ഹാരിദ്, അഡ്വ. സി.കെ. ജാഫര്‍, ജസ്സി ജോണി, ലൈബ്രറി സെക്രട്ടറി ഷാജു പോള്‍ എന്നിവര്‍ പ്രസംഗിച്ചു. ലൈബ്രറിയുടെ നേതൃത്വത്തിലുള്ള സ്വാശ്രയ സംഘങ്ങളാണ് ആവശ്യമായ ഭക്ഷണം വിതരണം ചെയ്തത്.
ഇടവെട്ടി ചിറയുടെ ശുചീകരണവും കഴിഞ്ഞ വര്‍ഷം കാഞ്ഞിരമറ്റം ബൈപാസ് ശുചീകരിച്ച് തണല്‍ മരങ്ങള്‍ നട്ട് പരിപാലിച്ച് പോരുന്നതിന്റെ തുടര്‍ച്ചയാണ് ഈ പ്രവര്‍ത്തനം.