റിയാദ്: യമനില്‍ ഔദ്യോഗിക സര്‍ക്കാരിന് വേണ്ടി യുദ്ധത്തിലേര്‍പ്പെട്ട അറബ് സഖ്യ സേനയിലെ അഞ്ചു സുഡാന്‍ സൈനികര്‍ കൊല്ലപ്പെട്ടു. ബുധനാഴ്ച്ച നടന്ന സൈനിക നീക്കത്തിനിടെയാണ് സൈനികര്‍ കൊല്ലപ്പെട്ടത്.

കൊല്ലപ്പെട്ടവരില്‍ സുഡാന്റെ മുതിര്‍ന്ന സൈനികനുമുണ്ട്. 22 സൈനികര്‍ക്ക് പരുക്കേല്‍ക്കുകയും ചെയ്തിട്ടുണ്ട്. വിമത വിഭാഗമായ ഹൂതികള്‍ നടത്തിയ മിസൈല്‍ ആക്രമണത്തില്‍ സഖ്യ സേനയുടെ ഏഴോളം കവച്ചിത വാഹനങ്ങളും നശിച്ചിട്ടുണ്ട്.

സഖ്യ സേന യമനില്‍ സൈനിക നടപടി ആരാമാഭിച്ച 2015 മാര്‍ച്ചു മുതല്‍ തന്നെ സൈനിക സഖ്യ ഭാഗമായി തുടരുകയാണ് സുഡാന്‍ . അതിനിടെ സഖ്യ സേന, ബുധനാഴ്ച്ച 24 മണിക്കൂറിനിടെ യമന്റെ വിവിധ ഭാഗങ്ങളില്‍ മുപ്പതോളം സ്ഥലത്തു വ്യോമാക്രമണവും നടത്തിയിട്ടുണ്ട്.