പാലക്കാട് : ആഗോളഭീമനായ  പ്ലാച്ചിമടയിലെ  കൊക്കകോളക്കെതിരെ ജനങ്ങള്‍ ഒന്നടങ്കം അണിനിരന്ന് പോരാടിയ സമര ചരിത്രം പുസ്തകമാകുന്നു. മാതൃഭൂമിയുടെ ഇടുക്കിയിലെ റിപ്പോര്‍ട്ടര്‍ പി.സുരേഷ് ബാബുവാണ് പുസ്തകം രചിച്ചിട്ടുള്ളത്. 'പ്ലാച്ചിമട  ജലത്തിന്റെ രാഷട്രീയം' എന്ന പേരിലിറക്കുന്ന പുസ്തകം ഈ മാസം 22ന് പ്രകാശനം ചെയ്യും.
 പ്ലാച്ചിമട സമരത്തിന്റെ പതിനഞ്ചാം വാര്‍ഷികത്തില്‍ പാലക്കാട് കലക്ടറേറ്റിനു മുന്നില്‍ നടക്കുന്ന അനിശ്ചിതകാല സത്യാഗ്രഹ സമരവേദിയില്‍ വെച്ച് ഡോ. രാജേന്ദ്ര സിങ് മുതിര്‍ന്ന  സമര പ്രവര്‍ത്തക കന്നിയമ്മക്ക് നല്‍കി പ്രകാശനം ചെയ്യുമെന്ന് സുരേഷ്ബാബു അറിയിച്ചു. മുന്‍ ജലസേചന വകുപ്പ് മന്ത്രി എന്‍.കെ.പ്രേമചന്ദ്രന്‍ എം.പി. പങ്കെടുക്കും.തൃശ്ശൂരിലെ ഗ്രീന്‍ ബുക്‌സാണ് പുസ്തകം പ്രസിദ്ധീകരിക്കുന്നത്.