മുംബൈ: 2022ല്‍ ചൈനയിലെ ഹാംഗ്‌സോയില്‍ നടക്കാനിരിക്കുന്ന 19ാമത് ഏഷ്യന്‍ ഗെയിംസില്‍ ക്രിക്കറ്റ് മടങ്ങിയെത്തും. സെപ്റ്റംബര്‍ 10 മുതല്‍ 25 വരെയാണ് ഏഷ്യന്‍ ഗെയിംസ് നടത്തപ്പെടുക.

മാര്‍ച്ച് 3നു ഒളിംപിക്‌സ് കൗണ്‍സില്‍ ഏഷ്യയാണ് ക്രിക്കറ്റ് ഏഷ്യന്‍ ഗെയിംസില്‍ ഉള്‍പ്പെടുത്തണമെന്ന തീരുമാനമെടുത്തത്. ഒ.സി.എയുടെ പൊതു അസംബ്ലിയിലായിരുന്നു തീരുമാനം. 2010, 2014 ഏഷ്യന്‍ ഗെയിംസുകളില്‍ ക്രിക്കറ്റ് മത്സരയിനമായിരുന്നുവെങ്കിലും പിന്നീടുള്ള ഗെയിംസില്‍നിന്ന് അത് ഒഴിവാക്കപ്പെടുകയായിരുന്നു.
തീരുമാനത്തെ സ്വാഗതം ചെയ്ത ഇന്ത്യന്‍ ഒളിംപിക്‌സ് അസോസിയേഷന്‍ ക്രിക്കറ്റിനു ബി.സി.സിഐ ടീമിനെ അയയ്ക്കുമെന്നാണ് പ്രതീക്ഷിക്കപ്പെടുന്നതെന്ന് പ്രത്യാശ പ്രകടിപ്പിച്ചു.