ശ്രീകൃഷ്ണപുരം: ബ്ലോക്ക് ക്ഷീരോത്സവത്തിന്റെ ഭാഗമായി കാറല്‍മണ്ണ ക്ഷീര വ്യവസായ കേന്ദ്രത്തിന്റെ ആഭിമുഖ്യത്തില്‍ ക്ഷീരസംഘങ്ങള്‍ വഴി ക്ഷീര കര്‍ഷിക മേഖലയിലെ വൈവിധ്യവല്‍ക്കരണം എന്ന വിഷയത്തില്‍ ശില്‍പശാല സംഘടിപ്പിച്ചു. സംഘം ഹാളില്‍ നടന്ന ചടങ്ങ് ചെര്‍പ്പുളശ്ശേരി നഗരസഭാധ്യക്ഷ ശ്രീലജ വാഴക്കുന്നത്ത് ഉദ്ഘാടനം ചെയ്തു. ബ്ലോക്ക് പ്രസിഡന്റ് പി. അരവിന്ദാക്ഷന്‍ മുഖ്യപ്രഭാഷണം നടത്തി. ഡിവിഷന്‍ കൗണ്‍സിലര്‍ ബീന അധ്യക്ഷയായി.
ജ്യോതിവാസന്‍, കെ. പ്രസാദ്, രതീഷ്, രാമചന്ദ്രന്‍ സംസാരിച്ചു. പാലിന്റെ ഗുണമേന്മ വര്‍ധിപ്പിക്കല്‍, ക്ഷീരസംഘങ്ങളുടെ പ്രവര്‍ത്തന വൈവിധ്യം എന്നീ വിഷയങ്ങളില്‍ ക്വാളിറ്റി കണ്‍ട്രോള്‍ ഇന്‍സ്‌പെക്ടര്‍ ജയസുജീഷ് ക്ലാസെടുത്തു.