തൃശൂര്‍: കോലഴി ദേശ സ്‌നേഹ കൂട്ടായ്മയുടെ വിഷു-ഈസ്റ്റര്‍ ആഘോഷത്തോടനുബന്ധിച്ച് നാളെ വൈകീട്ട് 6 ന് കോലഴി സെഡ്.എം.എല്‍.പി സ്‌കൂള്‍ അങ്കണത്തില്‍ പൊതുയോഗവും കലാകാരന്‍മാര്‍ക്ക് പുരസ്‌കാര വിതരണവും നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. പരിപാടിയുടെ ഉദ്ഘാടനവും നിത്യസത്യാനന്ദ അനുസ്മരണ പ്രഭാഷണവും പ്രൊഫ. സത്യന്‍ കൊളങ്ങാടന്‍ നിര്‍വഹിക്കും. തുടര്‍ന്ന് കോലഴിയില്‍ അര്‍ഹമായ അംഗീകാരം ലഭിക്കാതെപോയവര്‍ക്ക് പാദപഥസഞ്ചയം, പുരസ്‌കാര വിതരണം, തലചായ്ക്കാനൊരു താഴ്‌വാരം നാടകാവതരണം എന്നിവ നടക്കും. കോലഴി ഗ്രാമപഞ്ചായത്ത് പ്രസിഡന്റ് എം.ജെ ഷാജു അധ്യക്ഷനാകും. വാര്‍ത്താ സമ്മേളനത്തില്‍ നാടക സംവിധായകന്‍ കുമാര്‍.ജി.അരിമ്പൂര്‍, കണ്‍വീനര്‍ കോലഴി സുരേന്ദ്രന്‍, വി.വിജയകുമാര്‍, പ്രൊഫ. സത്യന്‍ കൊളങ്ങാടന്‍ പങ്കെടുത്തു.