കൊടുങ്ങല്ലൂര്‍: ചന്തപ്പുര കോട്ടപ്പുറം ബൈപ്പാസില്‍ വാഹനങ്ങള്‍ കൂട്ടിയിടിച്ചു. വഴിയാത്രക്കാരന്റെ കാലറ്റു, നഗരസഭാ ബസ് സ്റ്റാന്റിന് സമീപം ഉച്ചയോടെയായിരുന്നു അപകടം. അശ്രദ്ധമായി വന്ന കാര്‍ മോട്ടോര്‍ ബൈക്കില്‍ ചെന്നിടിക്കുകയും മോട്ടോര്‍ ബൈക്ക് വഴി യാത്രക്കാരനെ ഇടിച്ചു വീഴ്ത്തുകയുമായിരുന്നു.
ബൈക്കിടിച്ച് റോഡില്‍ വീണ വഴിയാത്രക്കാരന്റെ കാലിലൂടെ ഓട്ടോറിക്ഷ കയറിയിറങ്ങി. കാല്‍ അറ്റ നിലയില്‍ റോഡില്‍ കിടന്ന കോതപറമ്പ് സ്വദേശി പെരിങ്ങാട്ട് ശങ്കരു (65) വിനെ മുന്‍ നഗരസഭാ കൗണ്‍സിലര്‍ കെ.പി സുനില്‍കുമാറിന്റെ നേതൃത്വത്തില്‍ തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.