കൂറ്റനാട്: തൃത്താല ഗ്രാമപഞ്ചായത്തില്‍ ഞാങ്ങാട്ടിരിയില്‍ ഒന്‍പതാം വാര്‍ഡിലുള്ള പഞ്ചായത്ത് കിണര്‍ എന്ന കുളത്തിന് സംരക്ഷണം നല്‍കണമെന്നാവശ്യപ്പെട്ട് ജനകീയ പ്രതിഷേധ നീന്തല്‍ സംഘടിപ്പിച്ചു. പരിപാടിയുടെ ഭാഗമായി കുളവും പരിസവും വൃത്തിയാക്കുകയും കുട്ടികള്‍ക്ക് നീന്തല്‍ പരിശീലനം നല്‍കുകയും ചെയ്തു.
നിസാര്‍ മണിയാറത്തിന്റെ അധ്യക്ഷതയില്‍ ഹുസൈന്‍ തട്ടത്താഴത്ത് പ്രതിഷേധ സമരം ഉദ്ഘാടനം ചെയ്തു. സി.പി മുസ്തഫ, ഷബീര്‍ അലി, സാലി, സൈനു, കാജ, ടി.ടി ഷരീഫ്, അര്‍ഷാദ്, സി. മുസ്തഫ, ഷംസുദ്ധീന്‍ നേതൃത്വം നല്‍കി. പ്രതിഷേധം അറിഞ്ഞെത്തിയ സ്ഥലം ബ്ലോക്ക് പഞ്ചായത്ത് മെംബര്‍ കെ.വി ഹിളര്‍ കുളം സംരക്ഷണം നല്‍കാന്‍ ഉടന്‍ നടപടി സ്വീകരിക്കുമെന്ന് ഉറപ്പ് നല്‍കി.