എരുമപ്പെട്ടി: ഭീകരതയുടെ രാഷ്ട്രീയത്തിനെതിരേ ഐക്യപ്പെടുക എന്ന മുദ്രാവാക്യം ഉയര്‍ത്തിപ്പിടിച്ചു കൊണ്ട് എസ്.ഡി.പി.ഐ കുന്നംകുളം മണ്ഡലം കമ്മറ്റിയുടെ നേതൃത്വത്തില്‍ വാഹന പ്രചരണ ജാഥ സംഘടിപ്പിച്ചു. കാഞ്ഞിരക്കോട് സെന്ററില്‍ നിന്നാരംഭിച്ച ജാഥ പന്നിത്തടം സെന്ററില്‍ സമാപിച്ചു. എസ്.ഡി.ടി.യു ജില്ലാ സെക്രട്ടറി നാസര്‍ ജാഥ ഉദ്ഘാടനം ചെയ്തു.
എസ്.ഡി.പി.ഐ കുന്നംകുളം മണ്ഡലം പ്രസിഡന്റ് സി.എം ഷാഹുല്‍ ഹമീദ് വാഹന പ്രചരണ ജാഥക്ക് നേതൃത്വം നല്‍കി. സംസ്ഥാന ജനറല്‍ സെക്രട്ടറി പി.കെ ഉസ്മാന്‍, മണ്ഡലം സെക്രട്ടറി നവാസ്, സെയ്ഫുദ്ദീന്‍ തങ്ങള്‍ തുടങ്ങിയവര്‍ സംസാരിച്ചു.