കയ്പമംഗലം: കയ്പമംഗലം ഗ്രാമപഞ്ചായത്തിന്റെയും കുടുംബശ്രീ കുട്ടായ്മയുടെയും കൃഷി വകുപ്പിന്റെയും സംയുക്താഭിമുഖ്യത്തില്‍ വിഷു  ഈസ്റ്റര്‍ പച്ചക്കറി വിപണി പ്രവര്‍ത്തനം ആരംഭിച്ചു.
കയ്പമംഗലം ഗ്രാമപഞ്ചായത്ത് പരിസരത്ത് നടന്ന ചടങ്ങില്‍ പഞ്ചായത്ത് പ്രസിഡന്റ് ടി.വി സുരേഷ് ഉദ്ഘാടനം നിര്‍വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് കദീജ പുതിയവീട്ടില്‍ അധ്യക്ഷയായി.
സ്റ്റാന്റിംഗ് കമ്മിറ്റി അംഗങ്ങളായ എന്‍.എസ് പ്രണവ്, ജിസ്‌നി ഷാജി, അഖിലവേണി, വാര്‍ഡ് മെമ്പര്‍ സുരേഷ് കൊച്ചുവീട്ടില്‍, കൃഷി ഓഫിസര്‍ അനില മാത്യു, അസിസ്റ്റന്റ് സെക്രട്ടറി കുമാരി എന്നിവര്‍ സംസാരിച്ചു. കയ്പമംഗലം ഗവ.ഫിഷറീസ് സ്‌കൂളിലെ എന്‍.എസ്.എസ് യൂണിറ്റും  വിവിധ കുടുംബശ്രീ യൂണിറ്റുകളും നടത്തിയ പച്ചക്കറി കൃഷിയില്‍ നിന്നുള്ള പച്ചകറികള്‍ വിപണിയില്‍ വിതരണം നടത്തുന്നുണ്ട്. എടത്തിരുത്തി പഞ്ചായത്ത് കൃഷി വകുപ്പ് നടപ്പിലാക്കുന്ന 'വിഷുക്കണി' വിഷു ഈസ്റ്റര്‍ പച്ചക്കറി വിപണി യുടെ എടത്തിരുത്തി പഞ്ചായത്ത് തല ഉദ്ഘാടനം കിസ്സാന്‍ സര്‍വിസ് സഹകരണ ബാങ്ക് പരിസരത്ത് നടന്നു. എടത്തിരുത്തി ഗ്രാമപഞ്ചായത്ത് പ്രസിഡന്റ് ബൈന പ്രദീപ് ആദ്യ വില്‍പന പി.സി കാര്‍ത്തികേയന്‍ മാസ്റ്റര്‍ക്ക് നല്‍കി നിര്‍വഹിച്ചു. മതിലകം ബ്ലോക്ക് പഞ്ചായത്ത് അംഗം ബേബി ശിവദാസന്‍ അധ്യക്ഷയായി. വാര്‍ഡ് മെമ്പര്‍ സലീം വലിയകത്ത്, എടത്തിരുത്തി സഹകരണ ബാങ്ക് പ്രസിഡന്റ് പ്രശോഭിതന്‍, അരവിന്ദാക്ഷന്‍ കൊല്ലാറ, ഡേവിസ്, ഐ.വി വേണുഗോപാല്‍, അഷറഫ് പുഴങ്കരയില്ലത്ത്, കൃഷി ഓഫീസര്‍ മുഹമ്മദ് ഇസ്മായില്‍ എന്നിവര്‍ സംസാരിച്ചു.