കൊച്ചി: എറണാകുളം ജില്ലാ സ്‌പോര്‍ട്‌സ് കൗണ്‍സിലിന്റെയും ജില്ലാ ലേബര്‍ വകുപ്പിന്റെയും സംയുക്താഭിമുഖ്യത്തില്‍ മേയ്ദിന കായികമേള നടത്തും. മത്‌സരങ്ങള്‍ 29ന് ജില്ലയിലെ വിവിധ മൈതാനങ്ങളില്‍ ആരംഭിക്കും. ഇതു സംബന്ധിച്ച് എ.ഡി.എം സി.കെ പ്രകാശിന്റെ അധ്യക്ഷതയില്‍ കലക്ടറേറ്റ് സമ്മേളന ഹാളില്‍ ചേര്‍ന്ന യോഗത്തില്‍ ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് വി.എ സക്കീര്‍ ഹുസൈന്‍ വിശദീകരണം നടത്തി. കബഡി, വോളിബോള്‍, ഫുട്‌ബോള്‍, ബാഡ്മിന്റന്‍(ഡബിള്‍സ്), ക്രിക്കറ്റ്, അത്‌ലറ്റിക്‌സ്, വടംവലി, ചെസ്(പുരുഷന്‍മാര്‍ക്ക്) എന്നീ ഇനങ്ങളിലാണ് മത്‌സരം. താത്പര്യമുള്ള ജീവനക്കാര്‍ അതത് സ്ഥാപനങ്ങളുടെ പേരില്‍ 25നകം രജിസ്റ്റര്‍ ചെയ്യണം. വിവിധ യൂനിയനുകളിലെ തൊഴിലാളികള്‍, നോണ്‍ ജേണലിസ്റ്റുകള്‍, മെഡിക്കല്‍ റെപ്രസന്ററ്റീവുമാര്‍, മെട്രോ ഇതര സംസ്ഥാന തൊഴിലാളികള്‍ എന്നിവര്‍ക്കും പങ്കെടുക്കാം. കൂടുതല്‍ വിവരങ്ങള്‍ക്ക് ജില്ലാ സ്‌പോര്‍ട്‌സ് കൗണ്‍സിലുമായി ബന്ധപ്പെടണം. ഫോണ്‍: 0484 2367580,