എരുമപ്പെട്ടി: എരുമപ്പെട്ടി പാഴിയോട്ടുമുറിയില്‍ നിന്നും മോഷണ ശ്രമത്തിനിടയില്‍ തമിഴ്‌നാട് സ്വദേശിയെ പൊലിസ് പിടികൂടി.
തിരുവള്ളൂര്‍, കമ്പത്തൂര്‍, മെയിന്‍ റോഡ് സ്ട്രീറ്റില്‍ ജഗദീശ് (35) ആണ് പിടിയിലായത്.പാഴിയോട്ടുമുറി, കുളങ്ങര ജോര്‍ജ്ജിന്റെ വീട്ടിലാണ് ഇയാള്‍ മോഷണ ശ്രമം നടത്തിയത്. ഇന്നലെ പുലര്‍ച്ചെ 4.30 ഓടെയാണ് സംഭവം.
വീടിന്റെ മുന്‍വശത്തെ വാതിലിന്റെ പൂട്ട് തുറക്കാന്‍ ഇയാള്‍ ശ്രമം നടത്തുകയായിരുന്നു. ശബ്ദംകേട്ട വീട്ടുകാര്‍ ഫോണിലൂടെ അയല്‍വാസികളേയും എരുമപ്പെട്ടി പൊലിസ് സ്റ്റേഷനിലും വിവരമറിയിക്കുകയായിരുന്നു.
എസ്.ഐ വി.ജെ ജോണ്‍, എ.എസ്.ഐ ശശികുമാര്‍ എന്നിവരുടെ നേതൃത്വത്തിലെത്തിയ പൊലിസ് നാട്ടുകാരുടെ സഹായത്തോടെ ഇയാളെ പിടികൂടുകയായിരുന്നു. അറസ്റ്റ് രേഖപ്പെടുത്തിയ പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.