ചവറ: പൗള്‍ട്രി വികസന കോര്‍പറേഷന്‍ നടപ്പാക്കുന്ന 'കുഞ്ഞുകൈകളില്‍ കോഴിക്കുഞ്ഞ് ' പദ്ധതി ചവറ സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍ എന്‍. വിജയന്‍ പിള്ള എം.എല്‍.എ ഉദ്ഘാടനം ചെയ്തു. കെ.എസ്.പി.ഡി.സി ചെയര്‍പേഴ്‌സണ്‍ ജെ. ചിഞ്ചുറാണി അധ്യക്ഷയായി. കോഴിത്തീറ്റ, മരുന്ന് എന്നിവയുടെ വിതരണം ഗ്രാമ പഞ്ചായത്തംഗം അനില്‍ പുത്തേഴം നിര്‍വഹിച്ചു.
പന്മന ഗ്രാമപഞ്ചായത്ത് പ്രസിഡന്റ് എസ്. ശാലിനി, പി.ടി.എ പ്രസിഡന്റ് എസ്. രാധാകൃഷ്ണപിള്ള, സ്‌കൂള്‍ മാനേജ്‌മെന്റ് കമ്മിറ്റി ചെയര്‍മാന്‍ വര്‍ഗീസ് എം. കൊച്ചുപറമ്പില്‍, പുഷ്പകുമാരി, പ്രഥമധ്യാപകന്‍ കെ. ശശാങ്കദന്‍, ജെ. ഏണസ്റ്റ് സംസാരിച്ചു.
സ്‌കൂളിലെ ആറു മുതല്‍ ഒന്‍പത് വരെയുള്ള 766 വിദ്യാര്‍ഥികള്‍ക്കാണ് അഞ്ചു വീതം കോഴിക്കുഞ്ഞും 5 കിലോ തീറ്റയും മരുന്നും സൗജന്യമായി ലഭിച്ചത്. ഈ പദ്ധതിക്കായി 6,31,950 രൂപയാണ് ചെലവഴിക്കുന്നത്.