വാഷിങ്ടണ്‍: കൊവിഡ് പ്രതിസന്ധിയില്‍ ഭരണ നേതൃത്വത്തെ വിമര്‍ശിച്ച മുന്‍ യു.എസ് പ്രസിഡന്റ് ബരാക് ഒബാമയ്ക്ക് മറുപടിയുമായി പ്രസിഡന്റ് ഡൊണാള്‍ഡ് ട്രംപ്. ബരാക് ഒബാമ കഴിവില്ലാത്ത പ്രസിഡന്റ് ആയിരുന്നു എന്നാണ് ട്രംപ് വൈറ്റ് ഹൗസില്‍ മാധ്യമ പ്രവര്‍ത്തകരോട് പ്രതികരിച്ചത്.
രാജ്യത്തെ കൊവിഡ് പ്രതിരോധ പ്രവര്‍ത്തനങ്ങളിലെ പാളിച്ചകള്‍ ചൂണ്ടിക്കാണിച്ച് ശനിയാഴ്ച്ച ഒബാമ ഭരണ നതൃത്വത്തിനെതിരേ രംഗത്ത് എത്തിയിരുന്നു. ട്രംപിന്റെ പേര് പരാമര്‍ശിക്കാതെയായിരുന്നു ഒബാമയുടെ വിമര്‍ശനം. ഉത്തരവാദിത്തപ്പെട്ട സ്ഥാനങ്ങളില്‍ ഇരിക്കുന്ന പലര്‍ക്കും തങ്ങള്‍ എന്താണ് ചെയ്യുന്നത് എന്ന് പോലും അറിയില്ല എന്നായിരുന്നു ഒബാമയുടെ വിമര്‍ശനം.