കളമശേരി: കളമശേരി എച്ച്.എം.ടി എസ്റ്റേറ്റിലെ മെട്രോ കാസ്റ്റിംഗ് യാര്‍ഡിലെ ജോലികള്‍ കളമശേരി നഗരസഭ കൗണ്‍സിലര്‍മാര്‍ തടഞ്ഞു.
നേരത്തേ മെട്രോയുടെ വലിയ ഗര്‍ഡറുകളും കോണ്‍ക്രീറ്റ് സ്പാനുകളും മറ്റും നിര്‍മിച്ചിരുന്ന യാര്‍ഡില്‍ ഇപ്പോള്‍ നിര്‍മ്മാണ ഉപകരണങ്ങളും അസംസ്‌കൃത വസ്തുക്കളും മറ്റിടങ്ങളിലേക്ക് നീക്കുന്ന പ്രവര്‍ത്തനങ്ങളാണ് നടക്കുന്നത്.
നഗരസഭ കൗണ്‍സിലര്‍മാരായ വി.എസ് അബൂബക്കര്‍, ടി.എ അബ്ദുള്‍ സലാം എന്നിവരാണ് യാര്‍ഡില്‍ ചെന്ന് പ്രവര്‍ത്തനങ്ങള്‍ നിര്‍ത്തി വയ്ക്കാന്‍ ആവശ്യപ്പെട്ടത്.
യാര്‍ഡിലേക്കുള്ള റോഡ് പുനര്‍ നിര്‍മിക്കാന്‍ തുക അനുവദിക്കാതെ യാര്‍ഡിലെ പ്രവര്‍ത്തനങ്ങള്‍ നടത്താന്‍ അനുവദിക്കില്ലെന്ന് ചൊവാഴ്ച നഗരസഭയില്‍ ചേര്‍ന്ന സംയുക്ത യോഗത്തില്‍ തീരുമാനിച്ചിരുന്നു.  മെട്രോ യാര്‍ഡിലേക്കുള്ള വലിയ ഭാരവാഹനങ്ങള്‍ കയറിയാണ് റോഡ് തകര്‍ന്നത്.
റോഡ് പുനര്‍ നിര്‍മിക്കാന്‍ കഴിയുമോ എന്നതു സംബന്ധിച്ച് 17 ന് അറിയിക്കാമെന്നാണ്  മെട്രോ അധികൃതരുടെ നിലപാട്.