തിരൂരങ്ങാടി: ദാറുല്‍ഹുദാ ഇസ്‌ലാമിക് സര്‍വകലാശാലാ കാംപസിലെയും വിവിധ യു.ജി കോളജുകളിലെയും സെക്കന്‍ഡറി ഒന്നാം വര്‍ഷത്തിലേക്കും വാഴ്‌സിറ്റിക്കു കീഴിലുള്ള ഫാഥിമാ സഹ്‌റാ വനിതാ കോളജ്, മമ്പുറം സയ്യിദ് അലവി മൗലദ്ദവീല ഹിഫ്‌ളുല്‍ ഖുര്‍ആന്‍ കോളജിലേക്കും പ്രവേശനത്തിനുള്ള അപേക്ഷാ തിയതി മെയ് 31 വരെ നീട്ടി.
സമസ്തയുടെ മദ്‌റസാ അഞ്ചാം ക്ലാസ് മുന്‍വര്‍ഷം പാസായവരോ ഇത്തവണത്ത പൊതുപരീക്ഷക്ക് രജിസ്റ്റര്‍ ചെയ്തവരോ ആയ പതിനൊന്നര വയസ് കവിയാത്ത ആണ്‍കുട്ടിള്‍ക്ക് വാഴ്‌സിറ്റിയിലെ സെക്കന്‍ഡറിയിലേക്കും പന്ത്രണ്ട് വയസ് കവിയാത്തവര്‍ക്ക് യു.ജി കോളജിലേക്കും അപേക്ഷിക്കാം.
സമസ്തയുടെ ഏഴാം ക്ലാസ് മുന്‍വര്‍ഷം പാസായവരോ ഇത്തവണത്തെ പൊതുപരീക്ഷയ്ക്ക് രജിസ്റ്റര്‍ ചെയ്തവരോ ആയ പതിമൂന്നര വയസ് കവിയാത്ത പെണ്‍കുട്ടികള്‍ക്ക് വാഴ്‌സിറ്റിയുടെ ഫാഥിമാ സഹ്‌റാ വനിതാ കോളജിലേക്കു അപേക്ഷിക്കാം. സമസ്തയുടെ മൂന്നാം ക്ലാസ് പൂര്‍ത്തിയാക്കിയ, ഒന്‍പതു വയസ് കവിയാത്ത, ആണ്‍കുട്ടികള്‍ക്ക് മമ്പുറം സയ്യിദ് മൗലദ്ദവീല ഹിഫ്‌ളുല്‍ ഖുര്‍ആന്‍ കോളജിലേക്ക് അപേക്ഷിക്കാം.
മുഴുവന്‍ കോഴ്‌സുകളിലേക്കും വാഴ്‌സിറ്റിയുടെ ഔദ്യോഗിക വെബ്‌സൈറ്റായ ംംം.റവശൗ.ശി വഴി ഓണ്‍ലൈനായാണ് അപേക്ഷിക്കേണ്ടത്. മെയ് 28,30 തിയതികളിലായി നിശ്ചയിച്ചിരുന്ന പ്രവേശന പരീക്ഷ ജൂണിലേക്ക് മാറ്റിയിട്ടുണ്ട്. പുതുക്കിയ തിയതി പിന്നീട് അറിയിക്കും. വിശദ വിവരങ്ങള്‍ക്ക് 0494 2463155, 2464502, 2460575, 8547290575 (ഹെല്‍പ് ലൈന്‍) എന്നീ നമ്പറുകളില്‍ ബന്ധപ്പെടുക.