പത്തനംതിട്ട: സാമൂഹികവിരുദ്ധര്‍ പെരുന്തേനരുവി ഡാം തുറന്നുവിട്ടതിനെ തുടര്‍ന്ന് വെള്ളം ശക്തിയായി പുറത്തേക്കൊഴുകി. ഏഴു മിനുട്ടോളം വെള്ളം പുറത്തേക്കൊഴുകിയതിനെ തുടര്‍ന്ന് കെ.എസ്.ഇ.ബി ജീവനക്കാര്‍ എത്തി ഷട്ടര്‍ അടക്കുകയായിരുന്നു.
ചൊവ്വാഴ്ച രാത്രിയായിരുന്നു സംഭവം. വെള്ളപാച്ചില്‍ കണ്ട് പരിസരവാസികള്‍ കെ. എസ്. ഇ.ബി അധികൃതരെ വിവരം അറിയിക്കുകയായിരുന്നു. സംഭവത്തില്‍ പത്തനംതിട്ട ജില്ലാ കലക്ടര്‍ റിപ്പോര്‍ട്ട് തേടിയിട്ടുണ്ട്.
സമീപത്തെ കടത്തുവള്ളത്തിനു സാമൂഹികവിരുദ്ധര്‍ തീയിടുകയും ചെയ്തു. വെച്ചൂച്ചിറ പൊലിസ് കേസെടുത്തു.

.