തിരുവനന്തപുരം: ഗ്രൂപ്പുകള്‍ തമ്മിലുള്ള തര്‍ക്കങ്ങള്‍ പരിഹരിച്ച് ലോക്‌സഭാ തെരഞ്ഞെടുപ്പിനുള്ള ബി.ജെ.പിയുടെ സ്ഥാനാര്‍ഥിപട്ടിക 16ന് പുറത്തിറക്കിയേക്കും. ഇതിന്റെ ഭാഗമായി ഇന്നലെ തിരുവനന്തപുരത്ത് ബി.ജെ.പി നേതാക്കളുടെ യോഗം ചേര്‍ന്നു.

കോട്ടയത്ത് കഴിഞ്ഞ ദിവസം ചേര്‍ന്ന കോര്‍ കമ്മിറ്റി യോഗത്തില്‍ സ്ഥാനാര്‍ഥികളുടെ കാര്യത്തില്‍ അന്തിമ തീരുമാനമെടുക്കാന്‍ കഴിഞ്ഞിരുന്നില്ല. ഒരു സീറ്റില്‍ മൂന്ന് സ്ഥാനാര്‍ഥികളെന്ന നിലയിലേക്ക് പട്ടിക തയാറാക്കേണ്ടതായും വന്നു.