ന്യൂഡല്‍ഹി: 28 ജീവനക്കാര്‍ക്ക് കൊവിഡ് സ്ഥിരീകരിച്ചതിനെ തുടര്‍ന്ന് സീ ന്യൂസ് ചാനല്‍ ഓഫിസ് അടച്ചുപൂട്ടി. എഡിറ്റര്‍ ഇന്‍ ചീഫ് സുധീര്‍ ചൗധരിയാണ് ഇക്കാര്യം വെളിപ്പെടുത്തിയത്. അതേസമയം അധികപേര്‍ക്കും രോഗലക്ഷങ്ങള്‍ ഇല്ലായിരുന്നുവെന്ന് അദ്ദേഹം പറഞ്ഞു.

മെയ് 15ന് ഒരു ജീവനക്കാരന് കൊവിഡ് പോസിറ്റീവ് ആയതിനെ തുടര്‍ന്നാണ് ഇയാളുമായി ഇടപഴകിയ മറ്റുള്ളവരെയും പരിശോധനയ്ക്ക് വിധേയരാക്കിയത്. അണുവിമുക്തമാക്കുന്നതിനായി ചാനല്‍ ഓഫിസും ന്യൂസ് റൂമും സ്റ്റുഡിയോയും സീല്‍ ചെയ്യുകയാണെന്ന് അദ്ദേഹം അറിയിച്ചു. അതുവരെ ചാനല്‍ മറ്റൊരിടത്ത് പ്രവര്‍ത്തിക്കുമെന്നാണറിയുന്നത്. ചാനലില്‍ 2,500 ജീവനക്കാരാണുള്ളത്.