പൊന്നാനി: കുടുംബശ്രീ വിഷുചന്തക്ക്  പൊന്നാനിയില്‍ തുടക്കം. നഗരസഭയുടെ നേതൃത്വത്തിലാണ്  കുടുംബശ്രീ വിഷുചന്ത തുറന്നത്.
ഏപ്രില്‍ ഇന്നലെയും ഇന്നുമായാണ് പൊന്നാനി കുണ്ടുകടവ് ജങ്ഷനില്‍ ചന്ത സംഘടിപ്പിക്കുന്നത്. നഗരസഭയിലെ വിവിധ കുടുംബശ്രീ യൂനിറ്റുകളുടെ ഉല്‍പന്നങ്ങളാണ് ചന്തയിലൂടെ വിപണനം  ചെയ്യുന്നത്. വിവിധ കുടുംബശ്രീ കൂട്ടായ്മകള്‍ വിളവെടുത്ത ജൈവ പച്ചക്കറികളാണ് ചന്തയിലെ  പ്രധാന ആകര്‍ഷണം. വിപണനത്തിനപ്പുറം പോയ് മറഞ്ഞ വിഷു ആഘോഷങ്ങളുടെ വീണ്ടെടുപ്പ് കൂടി  നഗരസഭ ചന്തയിലൂടെ ലക്ഷ്യം വയ്ക്കുന്നു.
'വിഷു പക്ഷി പാടുന്നു' എന്ന പേരില്‍ പാട്ടുത്സവമടക്കം വിവിവ കലാപരിപാടികളും സാംസ്‌കാരിക സദസ്സുകളുമായാണ് ചന്ത സംഘടിപ്പിക്കുന്നത്.
നഗരസഭാ ചെയര്‍മാന്‍ സി.പി മുഹമ്മദ് കുഞ്ഞി ഉദ്ഘാടനം ചെയ്തു. ക്ഷേമകാര്യ സ്ഥിരം  സമിതി ചെയര്‍പേഴ്‌സണ്‍ ഷീനാ സുദേശന്‍ അധ്യക്ഷയായി.