പയ്യോളി: മദ്‌റസ പഠനം സാമൂഹ്യ ചുറ്റുപാടില്‍ പ്രകാശം പരത്തിയതായും ഭൗതിക വിദ്യാഭ്യാസം വിദ്യാര്‍ഥികളില്‍ വളരെ എളുപ്പമാക്കിയെന്നും പാണക്കാട് അബ്ബാസലി ശിഹാബ് തങ്ങള്‍. കോട്ടക്കല്‍ ഹിദായത്തുസിബിയാന്‍ മദ്‌റസയില്‍ ഉന്നത വിജയം നേടിയ വിദ്യാര്‍ഥികളെ അനുമോദിക്കല്‍ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എസ്.എസ്.എല്‍.സി പരീക്ഷയില്‍ എല്ലാ വിഷയത്തിലും എ പ്ലസും മദ്‌റസയില്‍ ടോപ്പ് പ്ലസ് ഗ്രേഡും ഉന്നത വിജയവും കരസ്ഥമാക്കിയവര്‍ക്ക് അവാര്‍ഡുകള്‍ വിതരണം ചെയ്തു. സ്വാഗതസംഘം ചെയര്‍മാന്‍ പി. ഹാഷിം അധ്യക്ഷനായി.
എസ്.വി മുഹമ്മദലി മാസ്റ്റര്‍, പി. അസ്സയിനാര്‍ മാസ്റ്റര്‍, വി.എന്‍ അബ്ദുറഹിമാന്‍, അഷറഫ് കോട്ടക്കല്‍, ഷൗക്കത്ത് ഫൈസി, പി.എം ഷംസു, പി.പി അബദു റഹ്മാന്‍, എം.എ അബ്ദുല്ല, അഹമ്മദ് സഗീര്‍ ഉസ്താദ്, വി.പി കുഞ്ഞ് ഉസ്താദ്, സി.ടി അബദു റഹിമാന്‍, ബി.എം മുഹമ്മദ് ഷാഫി, പി.കെ മുഹമ്മദ് റിയാസ്, പി.കെ മുഹമ്മദ് ഷഫീര്‍ അലി, വി.ടി ഹാഷിം, പി.പി ഷനക്കത്ത് സംസാരിച്ചു.