കരുവാരകുണ്ട്: പറയന്‍മേട് വീട്ടിക്കുന്നില്‍ കാട്ടാനക്കുട്ടത്തിന്റെ പരാക്രമം. നിരവധി കുടുംബങ്ങള്‍ ഭീതിയില്‍. നാല് വര്‍ഷമായി തുടരുന്ന കാട്ടാനാക്രമണത്തിലെ ഏറ്റവും രൂക്ഷമായ വിളയാട്ടമാണ് തിങ്കള്‍, ചൊവ്വ രാത്രികളില്‍ നടന്നത്. കാഞ്ഞിരംപറ്റ സൈതലവി, കാഞ്ഞിരംപറ്റ സൈനബ,  കാഞ്ഞിരംപറ്റ സീനത്ത്, നൂണല്‍പാറ ഉണ്ണി കേലു, വിളയാനിക്കല്‍ അഗസ്റ്റിന്‍, തുടങ്ങി നിരവധി പേരുടെ കൃഷി വിളകളാണ് നശിപ്പിച്ചിട്ടുള്ളത്.വന്‍സംഖ്യ നഷ്ടമുള്ളതായി ഇവര്‍ പറയുന്നു.
തിങ്കളാഴ്ച രാത്രി പന്ത്രണ്ടോടെ എത്തിയ ആനകള്‍ എല്ലാം നശിപ്പിച്ചതിന് ശേഷമാണ് കലിയടങ്ങി തിരിച്ചുപോയത്.
വെള്ള ടാങ്ക്, പൈപ്പുകള്‍, പുറത്തുണ്ടായിരുന്ന പാത്രങ്ങള്‍  തുടങ്ങിയവയും തകര്‍ത്തു.