കുന്ദമംഗലം: കുന്ദമംഗലം പഞ്ചായത്ത് പ്രസിഡന്റായി കോണ്‍ഗ്രസിലെ ഷൈജ വളപ്പിലും വൈസ് പ്രസിഡന്റായി മുസ്‌ലിംലീഗിലെ കെ.പി കോയയെയും തെരഞ്ഞെടുത്തു.
ഇന്നലെ രാവിലെ പതിനൊന്നിന് നടന്ന പ്രസിഡന്റ് തെരഞ്ഞെടുപ്പില്‍ എല്‍.ഡി.എഫിലെ ദീപ വിനോദിനെ എട്ടിനെതിനെതിരേ 15 വോട്ടുകള്‍ക്കാണ് ഷൈജ വളപ്പില്‍ പരാജയപ്പെടുത്തിയത്. റിട്ടേണിങ് ഓഫിസര്‍ മീന സത്യപ്രതിജ്ഞ ചൊല്ലിക്കൊടുത്തു. ഉച്ചയ്ക്ക് രണ്ടിന് നടന്ന വൈസ് പ്രസിഡന്റ് തെരഞ്ഞെടുപ്പില്‍ എല്‍.ഡി.എഫിലെ പി. പവിത്രനെ ഏഴിനെതിരേ 15 വോട്ടുകള്‍ നേടിയാണ് കെ.പി കോയ വിജയിച്ചത്. എല്‍.ഡി.എഫ് അംഗം എം.എം സുധീഷ് കുമാറിന്റെ വോട്ട് അസാധുവായി.
പ്രസിഡന്റായി തെരഞ്ഞെടുക്കപ്പെട്ട ഷൈജ വളപ്പിലിനുള്ള അനുമോദനയോഗത്തില്‍ കെ.പി കോയ അധ്യക്ഷനായി. വൈസ് പ്രസിഡന്റ് കെ.പി കോയയുടെ അനുമോദന യോഗത്തില്‍ പ്രസിഡന്റ് ഷൈജ വളപ്പില്‍ അധ്യക്ഷയായി. ഖാലിദ് കിളിമുണ്ട, ഒ. ഹുസൈന്‍, പി.കെ ബാപ്പു ഹാജി, ബഷീര്‍ പുതുക്കുടി, സുന്ദരന്‍ എം.പി, അശോകന്‍, കെപി വസന്തരാജ്, രമ്യ ഹരിദാസ്, എ.കെ ഷൗക്കത്ത്, എം. ബാബുമോന്‍, സുന്ദരന്‍, സീന അശോകന്‍, എം.പി കേളുക്കുട്ടി, ടി.കെ സീനത്ത്, ഷമീന വെള്ളക്കാട്ട്, ഭക്തോത്തമന്‍, അസ്ബിജ സക്കീര്‍ ഹുസൈന്‍, രാജന്‍ പാറപ്പുറത്ത്, വിനോദ് പടനിലം സംസാരിച്ചു.