നിലമ്പൂര്‍: മാധ്യമപ്രവര്‍ത്തകയെ അപമാനിക്കാന്‍ ശ്രമിച്ച സംഭവത്തില്‍ മാധ്യമപ്രവര്‍ത്തകക്ക് അപമാനമുണ്ടാക്കുന്ന തരത്തില്‍ ഫ്‌ളക്‌സ് വച്ചതിന് നിലമ്പൂര്‍ പൊലിസ് കേസ് റജിസ്റ്റര്‍ ചെയ്തു. ചാലിയാര്‍ പഞ്ചായത്തിലെ അകമ്പാടം, പോത്തുകല്ല് പഞ്ചായത്തിലെ ചാത്തംമുണ്ട എന്നിവിടങ്ങളില്‍ മാധ്യമപ്രവര്‍ത്തകക്ക് അപമാനമുണ്ടാകുന്ന വിധത്തില്‍ പൊതുസ്ഥലത്ത് ഫ്‌ളക്‌സ് വച്ചിരുന്നു.
ഇതേ തുടര്‍ന്ന് നല്‍കിയ പരാതി പൊലിസ് സമര്‍പ്പിക്കുകയും കോടതിയുടെ നിര്‍ദേശമനുസരിച്ച് കേസെടുത്ത് എഫ്.ഐ.ആര്‍ തയാറാക്കുകയും ചെയ്തു.
കഴിഞ്ഞ ക്രിസ്മസ് ദിനത്തിലാണ് നിലമ്പൂര്‍-നായാടംപൊയില്‍ റോഡില്‍ കക്കാടംപൊയിലിനടുത്ത് വച്ച് യുവതിയായ മാധ്യമപ്രവര്‍ത്തകയെ സദാചാരഗുണ്ട ചമഞ്ഞ് അപമാനിക്കാന്‍ ശ്രമിച്ചത്. സംഭവത്തില്‍ അഞ്ചുപേര്‍ക്കെതിരെ പൊലിസ് കേസെടുത്തിരുന്നു.