മലപ്പുറം: മുസ്‌ലിംലീഗ് ജില്ലാ ജനറല്‍ സെക്രട്ടറി കെ.എന്‍.എ ഖാദര്‍ കോഡൂര്‍ പാലക്കല്‍ ജി.എല്‍.പി സ്‌കൂളിലും സി.പി.എം ജില്ലാ സെക്രട്ടറി പി.പി വാസുദേവന്‍  വെള്ളുവനാട് വിദ്യാഭവനിലും  സി.പി.എം സംസ്ഥാന സമിതി അംഗം ടി.കെ ഹംസ മുള്ളമ്പാറ എല്‍.പി സ്‌കൂളിലും വോട്ടുചെയ്തു.
പെരിന്തല്‍മണ്ണ സബ് കലക്ടര്‍ ജാഫര്‍ മാലിക് പെരിന്തല്‍മണ്ണ സെന്‍ട്രല്‍ സ്‌കൂളിലും കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ പുത്തൂര്‍ പള്ളിക്കല്‍ എ.യു.പി സ്‌കൂളിലും വോട്ടു രേഖപ്പെടുത്തി.
മുന്‍മന്ത്രി നാലകത്ത് സൂപ്പി താഴക്കോട് പി.പി.എം ഹയര്‍സെക്കന്‍ഡറി സ്‌കൂളിലും മുന്‍ എം.എല്‍.എ എം.പിഎം ഇസ്ഹാഖ് കുരിക്കള്‍ മഞ്ചേരി ഗവ. ഗേള്‍സ് ഹയര്‍സെക്കന്‍ഡറി സ്‌കൂളിലും മാപ്പിളപ്പാട്ട് ഗായകന്‍ വി.എം കുട്ടി പുളിക്കല്‍ മദീനത്തുല്‍ ഉലൂം അറബിക് കോളജ് ബൂത്തിലും വോട്ടുചെയ്തു.