മലപ്പുറം: മുസ്‌ലിംലീഗ് സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍, യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടി എന്നിവര്‍ രാവിലെ ഏഴിനെത്തി പാണക്കാട് സി.കെ.എം എല്‍ പി സ്‌കൂളില്‍ വോട്ട് രേഖപ്പെടുത്തി. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ മുണ്ടിലാക്കല്‍ ഇ.എം.എല്‍.പി സ്‌കൂളിലാണ് വോട്ടുചെയ്തത്. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ തിരൂര്‍ക്കാട് എ.ബി.എം ഹയര്‍സെക്കന്‍ഡറി സ്‌കൂളിലും വോട്ടു രേഖപ്പെടുത്തി. പാണക്കാട് സയ്യിദ് സാദിഖലി ശിഹാബ് തങ്ങള്‍ സി.കെ.എം.എ.എല്‍.പി സ്‌കൂളില്‍ വോട്ട് രേഖപ്പെടുത്തി. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ പനങ്ങാങ്ങര ജി.യു.പി സ്‌കൂളില്‍ വോട്ടുചെയ്തു.

സ്പീക്കര്‍ പി. ശ്രീരാമകൃഷ്ണന്‍ പെരിന്തല്‍മണ്ണ നഗരസഭയിലെ കാദര്‍മൊല്ല മെമ്മോറിയല്‍ യു.പി സ്‌കൂളിലും ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് പടപ്പറമ്പ് കുടുംബശ്രീ ഓഫിസിലും ബി.ജെ.പി സ്ഥാനാര്‍ഥി അഡ്വ. എന്‍. ശ്രീപ്രകാശ് പാണ്ടിക്കാട് വെട്ടിക്കാട്ടിരി ജി.എല്‍.പി സ്‌കൂളിലുമാണ് വോട്ട് രേഖപ്പെടുത്തിയത്. എം.എല്‍.എമാരായ പി. ഉബൈദുല്ല ആനക്കയം ജി.എം.യു.പി സ്‌കൂളിലും അഡ്വ. എം. ഉമ്മര്‍ ചെരണി മദ്‌റസയിലും ആദ്യവോട്ടര്‍മാരായി. ടി.വി ഇബ്‌റാഹീം അത്താണിക്കല്‍ ഹെല്‍ത്ത് സെന്റര്‍ ബൂത്തിലും പി. അബ്ദുല്‍ ഹമീദ്  പട്ടിക്കാട് ഹൈസ്‌കൂളിലും മഞ്ഞളാകുഴി അലി പനങ്ങാങ്ങര ജി.യു.പി സ്‌കൂളിലും പ്രൊഫ. ആബിദ് ഹുസൈന്‍ തങ്ങള്‍ വടക്കാങ്ങര ടി.എസ്.എസിലെ ബൂത്തിലും       വോട്ടു ചെയ്തു.
സമസ്ത കേന്ദ്ര മുശാവറ അംഗങ്ങളായ ടി.പി ഇപ്പ മുസ്‌ലിയാര്‍ മക്കരപ്പറമ്പ് ഗവ. എല്‍.പി  സ്‌കൂളിലും ഹൈദര്‍ ഫൈസി പനങ്ങാങ്ങര പനങ്ങാങ്ങര ജി.യു.പി സ്‌കൂളിലുംവോട്ടു രേഖപ്പെടുത്തി.