കാഞ്ഞങ്ങാട്: കേരളത്തിലെ പ്രവാസികള്‍ സങ്കീര്‍ണമായ പ്രശ്‌നങ്ങളെ നേരിട്ടു കൊണ്ടിരിക്കുകയാണെന്ന് കേരള പ്രവാസി ഫെഡറേഷന്‍ സംസ്ഥാന ജനറല്‍ സെക്രട്ടറി കെ.ഇ.ഇസ്മയില്‍.
കേരളത്തില്‍ ഒരു പുതിയ സംസ്‌കാരം തന്നെ രൂപപെടുത്തിയവരാണ് പ്രവാസികളെന്നും അത് കൊണ്ട് തന്നെ പ്രവാസികളുടെ പ്രശ്‌നങ്ങളോട് മുഖം തിരിഞ്ഞു നില്‍ക്കുന്ന അധികൃതരുടെ നിലപാട് തിരുത്തണമെന്നും അദ്ദേഹം പറഞ്ഞു. പ്രവാസി ഫെഡറേഷന്‍ ജില്ലാ കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് സി.പി ബാബു അധ്യക്ഷനായി.
സംസ്ഥാന വൈസ് പ്രസിഡന്റ് പാലൊളി അബ്ദുള്‍ റഹ്മാന്‍, സി.പി.ഐ ജില്ലാ സെക്രട്ടറി അഡ്വ. ഗോവിന്ദന്‍ പള്ളിക്കാപ്പില്‍ സംസാരിച്ചു.