കൊണ്ടോട്ടി: കരിപ്പൂരില്‍ വിമാനത്താവളത്തില്‍ ഗള്‍ഫ് എയര്‍ വിമാനത്തില്‍ ഗോവണി ഇടിച്ച് വിമാനം റദ്ദാക്കി.
ഇന്നലെ രാവിലെ ബഹ്‌റൈനില്‍നിന്ന് കരിപ്പൂരിലെത്തിയ വിമാനം റണ്‍വേ ഏപ്രണില്‍ നിര്‍ത്തിയപ്പോഴാണ് സംഭവം. വിമാനത്തിന്റെ പിറക് ഭാഗത്തായി ഗോവണിയുമായെത്തിയ വാഹനം ഇടിക്കുകയായിരുന്നു. ഇതിനെ തുടര്‍ന്ന് വിമാനത്തിന്റെ പിറകില്‍ കേടുപാടുകള്‍ സംഭവിച്ചു.

തകരാര്‍ പരിഹരിക്കാന്‍ കഴിയാതെ വന്നതോടെയാണ് വിമാനത്തിന്റെ ബഹ്‌റൈനിലേക്കുളള തുടര്‍ സര്‍വിസ് റദ്ദാക്കിയത്.
തുടര്‍ന്ന് യാത്രക്കാരില്‍ ഏതാനും പേരെ രാവിലെ മറ്റു വിമാനങ്ങളില്‍ കൊണ്ടു പോയി. ശേഷിച്ചവരെ ഹോട്ടലിലേക്ക് മാറ്റി. ഇവരെ രാത്രിയില്‍ ബഹ്‌റൈനിലേക്ക് കൊണ്ടുപോകും.