ചന്ദനക്കാംപാറ: ജനവാസ കേന്ദ്രമായ ചാപ്പക്കടവില്‍ ബീവറേജ്‌സ് മദ്യവില്‍പനശാല തുറക്കാനുള്ള നീക്കത്തിനെതിരേ പ്രദേശവാസികളുടെ പ്രതിഷേധം ശക്തമായി. ഇന്നലെ ചന്ദനക്കാംപാറ മാവുംതോട് ടൗണില്‍ നിന്നും ചാപ്പക്കടവിലേക്ക് നടത്തിയ പ്രകടനത്തില്‍ നൂറുകണക്കിനാളുകള്‍ പങ്കെടുത്തു. ചാപ്പടക്കടവ് ടൗണില്‍ നടന്ന സമാപന സമ്മേളനം പയ്യാവൂര്‍ പഞ്ചായത്ത് പ്രസിഡന്റ് ഡെയ്‌സി ചിറ്റൂപറമ്പില്‍ ഉദ്ഘാടനം ചെയ്തു.
ചന്ദനക്കാംപാറ ചെറുപുഷ്പം ദേവാലയ വികാരി ഫാ. സെബാസ്റ്റിയന്‍ മൂക്കിലിക്കാട്ട്, ജില്ലാ പഞ്ചായത്തംഗം പി.കെ സരസ്വതി, ടി.പി അഷ്‌റഫ്, ഡെയ്‌സി മഞ്ഞാനയില്‍, ബിനോയ് ആലിങ്കത്തടത്തില്‍ സംസാരിച്ചു.