തളിപ്പറമ്പ്: മൂന്ന് വര്‍ഷത്തിനുള്ളില്‍ കരിമ്പം ഇ.ടി.സി കിലയുടെ കീഴില്‍ ദേശീയ പ്രാധാന്യമുള്ള സ്ഥാപനമായി മാറ്റുമെന്ന് ജയിംസ്മാത്യു എം.എല്‍.എ. കേരളത്തില്‍ കിലയുടെ കീഴില്‍ വിട്ടുനല്‍കിയ അഞ്ച് പരിശീലനകേന്ദ്രങ്ങളില്‍ ആദ്യത്തേതായി കരിമ്പം ഇ.ടി.സി ജൈവ കൃഷി വികസന മാലിന്യ പരിപാലന കേന്ദ്രമായി മാറുന്നതിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. കില ഡയരക്ടര്‍ ഡോ. പി.പി ബാലന്‍ അധ്യക്ഷനായി.
സെമിനാറില്‍ ജില്ലയിലെ എല്ലാ പഞ്ചായത്ത് പ്രസിഡന്റുമാരും സംബന്ധിച്ചു. ഇ.ടി.സി പ്രിന്‍സിപ്പല്‍ കെ.എം ശശിധരന്‍, തോമസ് വെക്കത്താനം, അള്ളാംകുളം മഹമ്മൂദ്, ടി. ലത, ഐ.വി നാരായണന്‍, കെ.വി ഗോവിന്ദന്‍, കെ. പ്രദീപന്‍ സംസാരിച്ചു.