തൃക്കരിപൂര്‍: മുനവ്വിറുല്‍ ഇസ്‌ലാം കമ്മിറ്റിയുടെ വിദേശ കമ്മിറ്റി പ്രവര്‍ത്തകര്‍ക്കായി പ്രവാസി സംഗമം സംഘടിപ്പിച്ചു. അബുദാബി, ദുബൈ, കുവൈറ്റ്, ഖത്തര്‍ തുടങ്ങിയ രജ്യങ്ങളിലെ പ്രവാസികളായ ബ്രാഞ്ച് കമ്മിറ്റി പ്രതിനിധികള്‍ സംബന്ധിച്ചു. പ്രസിഡന്റ് ടി.പി കുഞ്ഞബ്ദുള്ള ഹാജി അധ്യക്ഷനായി. ആധുനിക സൗകര്യങ്ങളോടെ ഉയര്‍ന്നുവരുന്ന വിദ്യാഭ്യാസ സമുച്ചയത്തിന്റെ നിര്‍മാണ ഫണ്ടിലേക്ക് അബുദാബി കമ്മിറ്റി നല്‍കുന്ന ഫണ്ട് അബുദബി കമ്മിറ്റി പ്രതിനിധികളായ എന്‍ ജമാല്‍, കെ സദഖത്തുല്ല എന്നിവര്‍ ഫിനാന്‍സ് കമ്മിറ്റി ചെയര്‍മാന്‍ കെ.പി.സി മുഹമ്മദിന് കൈമാറി.
ടി.പി അഹമ്മദ് ഹാജി, സി സമീര്‍, എം.ബി മിസ്ഹബ്, കെ.പി അബൂബക്കര്‍, ടി.പി അബ്ദുറഹീം, യു.പി അബ്ദുറഷീദ്,എന്‍ ശാഹുല്‍ ഹമീദ് എന്നിവര്‍ സംബന്ധിച്ചു. മാനേജിംഗ് കമ്മിറ്റി ഭാരവാഹികളായ എന്‍.എ മജീദ് ഹാജി, ബഷീര്‍ കുന്നുമ്മല്‍, എം.ടി.പി കരീം, വി.പി മുത്തലിബ്, സി റസാഖ് പ്രസംഗിച്ചു. എം അബ്ദുറഹിമാന്‍ സ്വാഗതവും വി.പി.പി അബ്ദുറഹീം ഹാജി നന്ദിയും പറഞ്ഞു.