കോട്ടയം: കേരള കോണ്‍ഗ്രസിന് രണ്ട് സീറ്റ് കിട്ടിയാല്‍ നിലവിലുള്ള പ്രതിസന്ധി പരിഹരിക്കാമെന്ന് റോഷി അഗസ്റ്റിന്‍ എം.എല്‍.എ. ഇടുക്കി സീറ്റ് കിട്ടിയാല്‍ പി.ജെ ജോസഫ് മത്സരിക്കും. അതേസമയം, തോമസ് ചാഴിക്കാടന്‍ പ്രചാരണവുമായി മുന്നോട്ടുപോകുമെന്നും റോഷി അഗസ്റ്റിന്‍ പറഞ്ഞു.

കേരള കോണ്‍ഗ്രസിലെ സ്ഥാനാര്‍ഥിയുടെ കാര്യത്തില്‍ കോണ്‍ഗ്രസ് ഇടപെട്ടതായി അറിയില്ല. പ്രശ്‌നങ്ങള്‍ പരിഹരിക്കാന്‍ ചര്‍ച്ച നടത്തുന്നത് തെറ്റല്ല. കോട്ടയത്തെ സ്ഥാനാര്‍ഥിയെ തീരുമാനിച്ചത് ചര്‍ച്ചകള്‍ക്ക് ശേഷമാണ്. കോണ്‍ഗ്രസ് ഹൈക്കമാന്‍ഡ് ഒരു തരത്തിലുള്ള അതൃപ്തിയും കേരള കോണ്‍ഗ്രസ് നേതൃത്വത്തെ അറിയിച്ചിട്ടില്ല.

കോട്ടയത്ത് പരാജയഭീതി ഇല്ല, പി.ജെ ജോസഫും അങ്ങനെ പറഞ്ഞിട്ടില്ല. ജില്ല മാറി മല്‍സരിക്കാന്‍ പാടില്ലെന്ന് പാര്‍ട്ടിയില്‍ തീരുമാനമില്ലെന്നും റോഷി അഗസ്റ്റിന്‍ പറഞ്ഞു