കോഴിക്കോട്: പെരുന്നാള്‍ തലേന്ന് അവശ്യ വസ്തുക്കള്‍ വിതരണം ചെയ്യുന്ന കടകള്‍ ഏഴു മണിക്കു ശേഷവും തുറന്നു പ്രവര്‍ത്തിക്കണമെന്ന ആവശ്യം ശക്തം.
ലോക്ക്ഡൗണ്‍ ഇളവുകളുടെ ഭാഗമായി വ്യാപാര സ്ഥാപനങ്ങളുടെ പ്രവര്‍ത്തന സമയം രാവിലെ ഏഴു മുതല്‍ രാത്രി ഏഴു വരെയാക്കി നിജപ്പെടുത്തിയിരുന്നു.
എന്നാല്‍ മാസം കണ്ട ശേഷം പെരുന്നാള്‍ നിശ്ചയിക്കുകയാണെങ്കില്‍ അവശ്യവസ്തുക്കള്‍ വാങ്ങാന്‍ സാധിക്കാത്തതിനാലാണ് അന്ന് ഏഴു മണിക്കു ശേഷവും കടകള്‍ തുറന്നു പ്രവര്‍ത്തിക്കണമെന്ന ആവശ്യം ശക്തമാകുന്നത്.
ഏഴു മണിക്കു ശേഷമാണ് മാസം കാണുകയെന്നതിനാല്‍ വിശ്വാസികള്‍ക്ക് പെരുന്നാളുമായി ബന്ധപ്പെട്ട അവശ്യ സാധനങ്ങള്‍ വാങ്ങാനാവില്ല.
അതേസമയം നോമ്പ് 30 പൂര്‍ത്തിയാക്കിയാണ് പെരുന്നാളെങ്കില്‍ നിലവിലെ സമയക്രമത്തില്‍ തന്നെ സ്ഥാപനങ്ങള്‍ പ്രവര്‍ത്തിച്ചാല്‍ മതിയെന്ന അഭിപ്രായവുമുണ്ട്.