കാബൂള്‍: അമേരിക്കയുമായി ഈയിടെ ഒപ്പിട്ട സമാധാന കരാര്‍ പാലിക്കാന്‍ തങ്ങള്‍ പ്രതിജ്ഞാബദ്ധരാണെന്ന് താലിബാന്‍. സമാധാന കരാറിന് ശേഷവും അഫ്ഗാനില്‍ ഭീകരാക്രമണങ്ങള്‍ തുടരുന്നതിനിടെയാണ് താലിബാന്‍ നേതാവ് ഹയ്ബത്തുല്ല അകുന്‍സാദ ഇക്കാര്യം വ്യക്തമാക്കിയത്.
വര്‍ഷങ്ങളായി രാജ്യത്തു നടക്കുന്ന സംഘര്‍ഷങ്ങള്‍ നിര്‍ത്താന്‍ കിട്ടിയ അവസരം പാഴാക്കരുതെന്നും അദ്ദേഹം ഈദ് സന്ദേശത്തില്‍ പറഞ്ഞു. കരാര്‍ തകര്‍ക്കാന്‍ ആരെയും സമ്മതിക്കരുതെന്ന് അദ്ദേഹം അമേരിക്കയോട് ആവശ്യപ്പെടുകയും ചെയ്തു. നേരത്തെ, കഴിഞ്ഞ ദിവസങ്ങളില്‍ അഫ്ഗാനില്‍ മൂന്നു ഭീകരാക്രമണങ്ങള്‍ നടന്നിരുന്നു. പൊലിസ് ഉദ്യോഗസ്ഥന്റെ മരണാനന്തര ചടങ്ങിലുണ്ടായ സ്‌ഫോടനത്തിലും കാബൂളിലെ ആശുപത്രിയിലുണ്ടായ വെടിവയ്പിലുമായി 56 പേര്‍ കൊല്ലപ്പെട്ടിരുന്നു.